HELBURUAK

ZER EGIN dezakegun pentsatzen aritu gara lehengo klasean. Ideia ezberdinak Peiok arbelan idatzi ditu, gero taldeka lantzeko intentzioarekin:

1. Garbiketari dagokionez:
   • Zakarrontziak jarri.
   • Paparazziak: batek zakarra lurrera bota duela antzezten du eta ondoren paparazziak izango balira bezala, beste batzuk mozorrotuta argazkiak ateratzen hasten dira. Gaizki dagoela gogoratuko du jendeak horrela.
   • Zuhaitzari lotuta: aurrekoaren antzera, baina gutariko bat zuhaitzari lotuta jarriko genuke.
2. Erabilera berriak sustatu:
   • Mahaiak lana egiteko jarri.
   • Pick-nick bat egin.
3. Pertzepzioa:
   • Zuhaitzak landatu.

Baina lehenago elkarrizketetako ONDORIOAK idatzi behar dira:

1. Erosotasunari dagokionez:
   • Bankuak falta dira.
   • Argitasuna falta da.
   • Zakarrontziak falta dira.
   • Eskailerak konfliktiboak dira (batzuk muga bezala ikusten dituzte, ikasle gehienek eserleku bezala erabiltzen dituzten bitartean).
   • Itzala falta da.
2. Erabilerei dagokionez:
   • Urtaroek erabilerak baldintzatzen dituzte.
   • Erabiltzaileak ikasleak dira bakarrik.
   • Belarra ez da erabiltzen.
3. Pertzepzioari dagokionez:
   • Txakurrak pasiatzeko erabiltzen dute bizilagunek plaza hau.
   • Landaretza falta da.
   • Pribatasuna falta da.
   • Adreilu gorriaren protagonismoa oso handia da.
   • Jabetasun espiritu falta dago.

Horrela, bete beharreko HELBURUAK zehaztu ditzakegu:

• Erabiltzaile nagusia IKASLEA da. (NORK)
• Eguraldi ona dagoenean eta egun argiz erabiltzea da zentzuduna. (NOIZ)
• Korridorea (errepide inguruko aldea) eta berdegunea indartu behar dira. (NON)
• Banku / zakarrontzi / landaretza / itzal / pribatasun gehiago behar dira (NOLA)